8 верасня 2017 года на дзяржаўным радыё "SWH" стартаваў новы цыкл праграм "Visi kopā", прысвечаных 100-годдзю Латвійскай Рэспублікі. Першымі гасцямі, якія прадставілі культуру свайго народа ў Латвіі, сталі беларусы. На пытанні вядучых адказвалі супрацоўніцы Даўгаўпілскага Цэнтра беларускай культуры (ЦБК) Ірына Апэйнанэ і Настасся Лукашонак.

У пятніцу, 1 верасня 2017 года, у Латгальскай Цэнтральнай бібліятэцы прайшоў літаратурны форум "Кніга жыве ...", прымеркаваны да 500-годдзя беларускага кнігадрукавання і Дня беларускага пісьменства. Дадзеным мерапрыемствам даугаўпілскі Цэнтр беларускай культуры (ЦБК) адкрыў новы творчы сезон. На вечарыне можна было азнаёміцца з выданнямі пра Францыска Скарыну і новымі кнігамі з бібліятэкі ЦБК, паслухаць вершы даўгаўпілскіх паэтаў і музычныя выступленні.

У пятніцу, 1 верасня 2017 года, у 17.00, у Латгальскай Цэнтральнай бібліятэцы пройдзе літаратурны форум "Кніга жыве ...", прымеркаваны да 500-годдзя беларускага кнігадрукавання і Дня беларускага пісьменства. Дадзенае мерапрыемства адкрывае новы творчы сезон Даўгаўпілскага Цэнтра беларускай культуры (ЦБК).

16 жніўня 2017 года з рабочым візітам Даўгаўпілс наведала дэлегацыя Арганізацыі па бяспецы і супрацоўніцтву ў Еўропе (АБСЕ). У ходзе знаёмства з горадам і ўстановамі, чыноўнікі па справах нацыянальных меншасцей кабінета Вярхоўнага камісара АБСЕ таксама наведалі Цэнтр беларускай культуры (ЦБК).

11 жніўня 2017 года ў даўгаўпілскім Арт-цэнтры Марка Роткі ўпершыню адкрылася асабістая выстава беларускага мастака. Прыхільнікам мастацтва прадстаўлены карціны  Аляксея Кузьміча (1945-2013) пад назвай “Храм Мадонны”.

9 жніўня 2017 года даугаўпілскі Цэнтр беларускай культуры (ЦБК) прымаў у сябе выхаванцаў міжнароднага, дзіцячага, дзённага летняга лагера "Superkids". Для іх былі арганізаваны адукацыйна-гульнявыя заняткі "Спас: мядовы, яблычны, арэхавы». Бо лета ўжо падыходзіць да канца, а Спас - адзін з першых святаў ўраджаю, час збору першых дароў прыроды.

«Старонка лепшая ў штодзённіку жыцця!» - так назваў паэт Максім Багдановіч два летнія месяцы 1911 года, праведзеныя ім у беларускай вёсцы Ракуцёўшчына пасля працяглай разлукі з радзімай. Штогод тут праходзіць Свята песні і паэзіі «Ракуцёўскае лета», якое збірае прыхільнікаў творчасці самага маладога класіка беларускай літаратуры. 30 ліпеня 2017 года ў гэтым культурным форуме ўпершыню ўдзельнічала дэлегацыя Даўгаўпілскага Цэнтра беларускай культуры (ЦБК).

6 мая 2017 года ў Даўгаўпілсе, падчас Народнага форуму, прысвечанага 100-годдзю Латгальскага кангрэса, у Слабодцы каля польскага помніка-крыжа адбылася ўрачыстая цырымонія пасадкі 100 дубоў, у якой удзельнічалі прэзідэнт Латвіі Райманд Вэйяніс, высокія службовыя асобы, прадстаўнікі прадпрыемстваў, устаноў і грамадскіх арганізацый горада. У дуброве, якая закладзена да стогадовага юбілею Латвійскай Рэспублікі, расце і беларускі дубок.

26 ліпеня 2017 года ў Даўгаўпілскай Цэнтры беларускай культуры (ЦБК) адкрылася літаратурная гасціная, прысвечаная творчасці народнага паэта Беларусі Рыгора Барадуліна. Асновай мерапрыемства стала перасовачная літаратурная выстава «Рыгор Барадулін. Прыходзім, каб знайсці сябе ў жыцці ... ", прадстаўленая Міністэрствам культуры Рэспублікі Беларусь і Дзяржаўным музеем гісторыі беларускай літаратуры (Мінск, Беларусь).

8 ліпеня 2017 года ў г.Дагда прайшоў III Міжнародны фестываль беларускай песні і танца «Фэст», у якім удзельнічалі творчыя калектывы Даўгаўпілскага Цэнтра беларускай культуры (ЦБК) - вакальны ансамбль "Пралескі" і танцавальны ансамбль "Лянок". Іх выступленне адзначана дыпломамі. Старшыня Дагдскай краявой думы Айвар Труліс ў лісце падзякаваў кіраўнікам ансамбляў і дэлегацый за высокі ўзровень выступлення, вялікі ўклад у захаванне нацыянальнай культуры і традыцый, умацаванне міжнацыянальных сувязяў.