2 снежня 2016 года ў даўгаўпілскім Цэнтры беларускай культуры (ЦБК) адбыўся літаратурна-музычны вечар, прысвечаны прэзентацыі 7-ай па ліку кнігі «Спадчына» вядомай даўгаўпілскай паэткі і мастачкі, уладальніцы Ганаровай граматы Даўгаўпілскай гарадской думы і сярэбранага знака “Награда года - 2014” Настассі Сазанковой.

У суботу, 17 снежня 2016 года, у 15.00 у Даўгаўпілскай Цэнтры беларускай культуры (ЦБК) адбудзецца вечар аўтарскай песні пад назвай "Дарогамі Арыка Крупа", арганізаваны ў супрацоўніцтве з Мінскім адукацыйным праектам "Навуковыя падарожжы". Адкрыем для сябе імя паэта, класіка бардаўскай песні Арыка Крупа, які нарадзіўся ў Даўгаўпілсе, жыў і тварыў у Мінску, загінуў на Усходнім Саяне.

9 снежня 2016 года, ў 18.0, ў даўгаўпілскім Цэнтры беларускай культуры (ЦБК) адбудзецца творчы вечар Валянціны Абушкевіч. У час вечара пройдзе дэфіле і выстава вязаных вырабаў, створаных умелымі рукамі Валянціны Пятроўны.

26 лістапада 2016 года ў Дагдзе адбыўся святочны канцэрт, прысвечаны Латвіі. Ён завяршыў серыю мерапрыемстваў праекта  «Беларускі ручнік» (Nr.LG-2016/NVO - 48) Дагдскага беларускага таварыства «Вербіца», атрымаўшага падтрымку Міністэрства культуры і Паўднёва-Латгальскага цэнтра падтрымкі недзяржаўных грамадскіх арганізацый. Прыгожы ручнік, вышыты беларусамі Латгаліі, будзе засцерагаць іх зямлю, хаты, сем'і, а таксама ўмацоўваць супрацоўніцтва беларускіх арганізацый.

У пятніцу, 2 снежня 2016 года, у 18.00, у даўгаўпілскім Цэнтры беларускай культуры (ЦБК) адбудзецца літаратурна-музычная вечарына, прысвечаная прэзентацыі 7-ай па ліку кнігі «Спадчына» вядомай даўгаўпілскай паэткі і мастачкі, уладальніцы Ганаровай граматы Даўгаўпілскай гарадской думы і сярэбранага знака “Награда года-2014” Настассі Сазанковай.

29 лістапада 2016 года ў даўгаўпілскім Цэнтры беларускай культуры прайшоў творчы юбілейны вечар паэткі, члена Саюза пісьменнікаў Расіі і рускай пісьменніцкай арганізацыі Латвіі Таццяны Рускулэ. Аўтар прадставіла чытачам новы, ужо пяты па ліку, зборнік вершаў пад назвай“Воспоминаний осколки”.

26 лістапада 2016 года ў г.Ліваны адбыўся 5-ы фестываль народнай песні, у якім прынялі ўдзел аматарскія вакальныя ансамблі Латвіі. Даўгаўпілс прадстаўляў вакальна-інструментальны ансамбль "Пралескі" Цэнтра беларускай культуры.

23 лістапада 2016 года ў даўгаўпілскім  Дзённым цэнтры сацыяльнага абслугоўвання пенсіянераў на вул.Ліепаяс, 4 адбылася прэзентацыя двух паэтычных кніг, выданых сямейным і творчым саюзам Людмілы Вілюмы і Яўціхія Канаплёва.

22 лістапада 2016 года ў Даўгаўпілсе з аншлагам прайшоў юбілейны творчы вечар «Мая пуцяводная нітка» члена Саюза пісьменнікаў Беларусі, Рускай пісьменніцкай арганізацыі Латвіі і Міжнароднай асацыяцыі пісьменнікаў Станіслава Валодзькі, арганізаваны Даўгаўпілскім Цэнтрам беларускай культуры.

22 лістапада 2016 года ў Даўгаўпілскім Цэнтры рускай культуры (ЦРК) прайшлі вячоркі на тэму "Барыня-капуста", на які гаспадары запрасілі ў госці сяброў з Цэнтра беларускай культуры і далі майстар-клас па хатніх нарыхтоўках.