У Даўгаўпілскім Цэнтры беларускай культуры (ЦБК) на зыходзе лета, у пятніцу, 30 жніўня 2019 года, у 17.30, адкрыецца персанальная выстава карцін «Кветкавыя фантазіі» паэткі і мастачкі, члена Асацыяцыі свабодных мастакоў Латгаліі і беларускага таварыства «Уздым» Настассі Сазанковой. Гэта яе юбілейная выстава, 20-я па ліку.

Пачатак жніўня ў Даўгаўпілскім Цэнтры беларускай культуры (ЦБК) адзначыўся шматлікімі наведваннямі. 6 і 7 жніўня 2019 года тут прайшлі адукацыйна-гульнявыя заняткі, на якіх выхаванцаў дзённага летняга лагера для школьнікаў, арганізаванага пры 11-й асноўнай школе, знаёмілі з традыцыямі і асаблівасцямі святкавання «Спаса» у Беларусі.

29 чэрвеня 2019 года ў г.п.Лёзна (Беларусь) прайшло ХІІ абласное свята-конкурс самадзейных паэтаў і кампазітараў “Песні сунічных бароў”, у якім актыўны ўдзел прыняў ансамбль беларускай народнай песні “Купалінка” Даўгаўпілскага Цэнтра беларускай культуры (ЦБК). Радзіма сусветна знакамітага мастака Марка Шагала, захаваўшы сваё правінцыйнае зачараванне, Лёзна стаў прыгожым сучасным раённым цэнтрам з развітай інфраструктурай і фірменным культурным форумам. Дзякуючы цудоўнаму фестывалю круг партнёраў ЦБК у Беларусі пашырыўся.

12 ліпеня 2019 года ў Даўгаўпілскім Цэнтры беларускай культуры (ЦБК) падводзілі вынікі конкурсу дзіцячых малюнкаў “Беларусь мая” і ўзнагароджвалі пераможцаў. Конкурс быў арганізаваны ЦБК у супрацоўніцтве з Генеральным консульствам Рэспублікі Беларусь у Даўгаўпілсе, Беларускім культурна-асветніцкім таварыствам “Уздым”  і прысвечаны стагоддзю беларускай нацыянальнай дзяржаўнасці.

6 ліпеня 2019 года ў г.Дагдзе (Латвія) прайшоў V Міжнародны фестываль беларускай песні і танца «ФЭСТ-2019», сярод шматлікіх удзельнікаў якога былі харавая капэла «Спадчына» і танцавальны ансамбль «Лянок» Даўгаўпілскага Цэнтра беларускай культуры (ЦБК).

5 ліпеня 2019 года ў Даўгаўпілсе прайшло свята, якое ўжо стала папулярным - «Беларускае Купалле», арганізаванае Цэнтрам беларускай культуры (ЦБК). У яркім тэатралізаваным паказе прынялі ўдзел творчыя калектывы ЦБК, нацыянальна-культурных таварыстваў горада, а таксама госці з Рыгі і Беларусі. Нібы па замове праліўны дождж вечарам узяў перадышку і дазволіў у Цэнтральным парку разгарнуцца святу летняга сонцавароту – пад зводам неверагоднай, двайной вясёлкі!

23-24 чэрвеня 2019 года вакальны ансамбль “Пралескі” Даўгаўпілскага Цэнтра беларускай культуры прыняў удзел у народным свяце Купалле ў Літве. У маляўнічым месцы пад Клайпедай мясцовае беларускае таварыства “Крыніца” штогод праводзіць свята летняга сонцавароту, збіраючы разам сяброў арганізацыі і запрашаючы сяброў.

У пятніцу, 5 ліпеня 2019 года, у 18.00, у Цэнтральным парку г.Даўгаўпілса адбудзецца святочны канцэрт “Беларускае Купалле”, арганізаваны Даўгаўпілскім Цэнтрам беларускай культуры (ЦБК)!

8 чэрвеня 2019 года ў рамках Свята горада адбылося адно з самых яркіх і маляўнічых мерапрыемстваў – шэсце калектываў прадпрыемстваў, устаноў і грамадскіх арганізацый горада, у якой прыняла ўдзел і шматлікая каманда Цэнтра беларускай культуры (ЦБК) сумесна з беларускім таварыствам “Уздым”. Гэта ўжо стала добрай традыцыяй дыяспары.

1 чэрвеня 2019 года ў Краславе, у замкавым комплексе Плятэраў, прайшоў Дзень беларускай культуры, арганізаваны Генеральным консульствам Рэспублікі Беларусь у Даўгаўпілсе ў супрацоўніцтве з Краслаўскай краявой думай. Маштабнае музычнае і пазнавальнае мерапрыемства падтрымалі беларускія арганізацыі Латгальскага рэгіёну, у тым ліку і Даўгаўпілскі Цэнтр беларускай культуры.