5 лістапада 2019 года ў Даўгаўпілскім Цэнтры беларускай культуры (ЦБК) у рамках навукова-пазнавальнага цыкла “Беларускія геніі” у музычнай гасцёўні ўспаміналі імёны беларускіх спевакоў, якія заваявалі шырокую вядомасць і папулярнасць ва ўсім свеце.
Музыка і песня – неад'емная частка нашага жыцця. Дзіўная і зачаравальная, песня спадарожнічае чалавеку яшчэ з калыскі, дапамагае на працягу ўсяго жыцця зарадзіцца энергіяй пазітыву, прыўнесці ў будні радасць і святло, выказаць свае пачуцці. У жыцці сучаснага чалавека песня іграе не меншую ролю. І шмат у чым дзякуючы таленавітым выканаўцам, песні якіх пранікаюць у самыя патаемныя куткі чалавечай душы, прымушаюць нас адчуваць каласальную колькасць непадробных эмоцый і пачуццяў.
У працяг навукова-пазнавальнага цыкла, прысвечанага беларускім геніям, у ЦБК адбыўся музычны экскурс пра знакамітых беларускіх спевакоў. Першае імя, якое адкрыла плеяду таленавітых выканаўцаў – народная артыстка Беларусі і СССР Ларыса Александроўская, якая заваявала слухачоў унікальным выкананнем песні “Бывайце здаровы!”.
Калі імя Л.Александроўскай вядома крыху, то Уладзімір Мулявін – такая значная і легендарная велічыня, якая не мае патрэбы ў прадстаўленні. Савецкі і беларускі музыкант, эстрадны спявак, гітарыст, кампазітар, аранжыроўшчык, мастацкі кіраўнік вакальна-інструментальнага ансамбля “Песняры”, заслужаны і народны артыст БССР, заслужаны дзеяч культуры Польшчы, народны артыст СССР. А песні ў яго пранікнёным выкананні валодаюць такой сілай эмацыйнага ўздзеяння, што падчас выканання ў многіх выступаюць слёзы.
Цяжка словамі перадаць тое трапяткое хваляванне, якое адчувалі наведвальнікі музычнай гасцінай, калі глядзелі відэакадры і слухалі ўнікальныя галасы беларускіх выканаўцаў, якія на працягу многіх дзесяцігоддзяў канца мінулага і пачатку гэтага стагоддзя з'яўляюцца кумірамі многіх мільёнаў: Віктара Вуячыча, Якава Навуменкі, Яраслава Еўдакімава, Аляксандра Ціхановіча і Ядвігі Паплаўскай (салістаў групы “Верасы”), Анатоля Ярмоленкі (мастацкага кіраўніка ансамбля “Сябры”).
Ад займальнай гісторыі пра карыфеяў беларускай песні перайшлі да маладых талентаў, якія ўслаўляюць Беларусь на міжнародных, сусветна-вядомых песенных пляцоўках. Напрыклад, на конкурсе “Еўрабачанне”, дзе ў розныя гады праславіліся дуэт Аляксандры і Канстанціна, Анжаліка Агурбаш, Наталля Падольская, Дзмітрый Калдун, музычная група “NaviBand” (якая, дарэчы, упершыню выканала песню на беларускай мове), пераможца “Еўрабачання-2009” Аляксандр Рыбак (нарвежскі спявак і скрыпач беларускага паходжання).
У дадатак да прэзентацыі з фондаў “народнай бібліятэк” была падрыхтавана літаратурная выстава пра знакамітых беларускіх кампазітараў і спевакоў.
Слухаючы песні беларускіх геніяў-спевакоў на роднай мове, удзельнікі вечара як быццам удыхнулі глыток свежага паветра і выпілі глыток чыстай крынічнай вады. Гэтыя песні яшчэ доўга будуць несці людзям гармонію, любоў і радасць.
Інфармацыя падрыхтавана:
Цэнтр беларускай культуры,
Марыя Памецька, метадыст ЦБК,
т. 654 24695, 29811969, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
г.Даўгаўпілс, вул.Алеяс, 68-1A
