27 жніўня 2016 года ў гарадскім паселку Зэльва Гродненскай вобласті, які спрадвеку славіўся сваімі коннымі кірмашамі, прайшоў «Ганненскі кірмаш» - адзін з самабытных рэгіянальных фестываляў Беларусі. Па запрашэнню Зэльвенскага раённага выканаўчага камітэта ў «Ганненским кірмашы» прыняў удзел вакальна-інструментальны ансамбль "Пралескі" Даўгаўпілскага Цэнтра беларускай культуры (ЦБК). У Год культуры ў Беларусі паміж установамі Даўгаўпілса і Зэльвы было падпісана пагадненне аб супрацоўніцтве ў сферы культуры.

1 верасня 2016 года ў даўгаўпілскім Цэнтры беларускай культуры (ЦБК) адкрылася выстава новых кніг, прысвечаная Дню ведаў і Дню беларускай пісьменнасці.

19 жніўня 2016 года, у дзень, калі ў Беларусі святкуюць яблычны Спас, упершыню ў гісторыі даўгаўпілскага Цэнтра беларускай культуры (ЦБК) адсвяткавалі вяселле. Арганізатар культурных мерапрыемстваў Ірына Якушонак змяніла зычную беларускую фамілію на не меньш прыгожую латышскую Апейнанэ. А як беларусы сустракаюць вясельны картэж і маладую сям'ю, змаглі ўбачыць жыхары Крэпасці і турысты. 

Канец лета – самая доўгачаканая пара года для земляробаў, калі спеюць збожжавыя, гародніна і фрукты, грыбы, ягады, арэхі, а Спас – адзін з першых святаў ураджаю, час збору дароў прыроды. 9 жніўня 2016 года даўгаўпілскі Цэнтр беларускай культуры (ЦБК) прымаў у сябе ў гасцях выхаванцаў дзённага летняга лагера, арганізаванага пры 11-й асноўнай школе.

У суботу, 6 жніўня, у беларускім таварыстве “Спатканне” г.Екабпілса ў вельмі цёплай, сяброўскай, душэўнай атмасферы прайшло “Свята бульбы”, у якім прынялі ўдзел і госці з Даўгаўпілса: прадстаўнікі Цэнтра беларускай культуры і культурна-асветніцкага таварыства “Уздым”. Беларусы двух гарадоў на Даугаве спявалі гімн бульбе, якая па праву лічыцца другім хлебам у Беларусі.

З 18 па 23 ліпеня 2016 года ў г.Глыбокае Віцебскай вобласці (Беларусь), які заўсёды славіўся сваімі вішнёвымі садамі, адбыўся чацвёрты «Вішнёвы фестываль». Самабытны рэгіянальны фестываль сваёй прысутнасцю ўшанаваў міністр культуры РБ Барыс Святлоў. Па запрашэнню Глыбокскага раённага выканаўчага камітэту ў «Вішнёвым фестывалі» прыняў удзел ансамбль народнай песні «Купалінка» даўгаўпілскага Цэнтра беларускай культуры, а паміж установамі Даўгаўпілса і Глыбокага было падпісана пагадненне аб супрацоўніцтве ў сферы культуры.

14 ліпеня 2016 года ў Віцебску (Беларусь) адбылося ўрачыстае адкрыццё юбілейнага, XXV Міжнароднага фестывалю мастацтваў «Славянскі базар у Віцебску». У той жа вечар на галоўнай вулічнай сцэне фестывальнага Віцебска, на плошчы Свабоды, выступаў вакальна-інструментальны ансамбль «Пралескі» даўгаўпілскага Цэнтра беларускай культуры (ЦБК). Беларускія і латышсія песні ў выкананні маладога заўзятага каллектыву пад кіраўніцтвам Настассі Малышавай гледачы сустрэлі шчодрымі апладысментамі.

17 ліпеня 2016 года ў вёсцы Пераброддзе, якая раскінулася ў вельмі маляўнічым месцы на беразе дзіўнага па прыгажосці возера ў Міёрскім раёне Віцебскай вобласці Беларусі, прайшоў юбілейны, Х фестываль народнай творчасці “Перабродская зорка”, у якім прынялі самы актыўны ўдзел творчыя калектывы даўгаўпілскага Цэнтра беларускай культуры (ЦБК) – танцавальны ансамбль “Лянок” і вакальны ансамбль сеньёраў “Спадчына”.

9 ліпеня 2016 года, у суботу вечарам, у аблюбаваным месцы адпачынку гараджан, у парку Дубровіна, прайшло яркае, маляўнічае, тэатралізаванае дзейства пад назвай “Беларускае Купалле”, арганізаванае даўгаўпілскім Цэнтрам беларускай культуры (ЦБК) пры падтрымцы Упраўлення культуры і Цэнтра латышскай культуры.

У першыя дні ліпеня ў Даўгаўпілсе і розных гарадах Латгаліі з вялікім поспехам прайшоў першы фестываль нацыянальных культур Латвіі „Pynu, pynu sītu”, закліканы папулярызаваць і развіваць багацейшую культурную і самабытную спадчыну нацменшасцей, якія жывуць у Латвіі.