У лістападаўскія дні, калі Латвія святкуе Дзень Лачплесіса, Дзень Незалежнасці ЛР, Даўгаўпілскі ўніверсітэт адзначыў сваё 95-годде. На ўрачыстасці адбылося ўручэнне падзячных грамат і знакаў лепшым работнікам і студэнтам вышэйшай навучальнай установы. У лік узнагароджаных студэнтаў увайшла супрацоўніца Цэнтра беларускай культуры Ірына Апейнанэ. Віншуем!
У час святочных мерапрыемстваў Даўгаўпілскага ўніверсітэта адбылося адкрыццё Цэнтра біялагічнай разнастайнасці лясоў на терыторыі навукова-даследчай базы «Ilgas» у Скрудалінскай воласці Даўгаўпілскага краю, у парку Ліксненскай сядзібы былі высаджаны дубы. У сувязі са святкаваннем 95-годдзя ДУ 4 лістапада 2016 года ў канцэртнай зале Даўгаўпілскага ўніверсітэта адбылася цэрэмонія ўручэння падзячных грамат і знакаў лепшым работнікам і студэнтам вышэйшай навучальнай установы, а таксама на цэрэмоніі ўшаноўвалі партнёраў ДУ.
Рэктар ДУ А.Баршчэўскі адзначыў: «95 гадоў – тэрмін немаленькі. Па латвійскіх мерках. Паглядзіце на Сарбону – мы зусім немаўляты ў параўнанні з імі. Так што ўсё ў нас наперадзе! Я дакладна ведаю, што і праз 100, і праз 200 гадоў будзе як сам Даўгаўпілс, так і ўніверсітэт у ім. Жадаю далейшага росквіту, развіцця і стабільнасці Даўгаўпілскаму універсітэту».
У спісак лепшых студэнтаў вядучага рэгіянальнага ўніверсітэта ўвайшла супрацоўніца Цэнтра беларускай культуры, арганізатар культурных мерапрыемстваў Ірына Апейнанэ, якая паспяхова сумяшчае работу і вучобу на магістарскай праграме дзённага аддзялення Гуманітарнага факультэта Даўгаўпілскага ўніверсітэта. Падзячную грамату Ірыне ўручыў рэктар ДУ, акадэмік Арвід Баршчэўскі - за выдатныя веды і актыўны ўдзел у жыцці ўніверсітэта Гуманітарнага факультэта, працу ў думе факультэта. Таксама за папулярызацыю вобраза ўніверсітэта горада на фотаконкурсах.
Віншуем Ірыну з узнагародай! Жадаем далейшых поспехаў
Інфармацыя падрыхтавана:
Цэнтр беларускай культуры,
т. 654 24695, 27110857, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., www.bkc.daugavpils.lv
г.Даўгаўпілс, вул.Смілшу, 92,
Палац культуры, ЦБК - 3 паверх, каб. 305-306
