Даугаўпілскі Цэнтр беларускай культуры (ЦБК) інфармуе, што з-за абмежаванняў, звязаных з распаўсюджваннем Covid-19, зменены графік адкрыцця выстаў, раней запланаваных на кастрычнік.

1 кастрычніка 2020 года харавая капэла “Спадчына” Даўгаўпілскага Цэнтра беларускай культуры (ЦБК) прыняла ўдзел у гарадскім святочным мерапрыемстве, прысвечаным Міжнароднаму дню сеньёраў, які штогод адзначаецца ў многіх краінах свету, пачынаючы з 1991 года.

         Паважаныя гараджане і госці горада! Даугаўпілскі Цэнтр беларускай культуры (ЦБК) інфармуе, што з-за новых абмежаванняў, звязаных з Covid-19,
X Міжнародны фестываль народнай культуры “Беларускі кірмаш у Даўгаўпілсе”, намечаны на 10 кастрычніка ў Палацы культуры, пераносіцца на 21 лістапада 2020 года.

19 верасня 2020 года ў Даўгаўпілсе адбыўся II Фестываль беларускай аўтарскай песні, які арганізавалі Беларускае культурна-асветніцкае таварыства “Уздым” у супрацоўніцтве з Цэнтрам беларускай культуры па праекце, які падтрымала Даўгаўпілская гарадская дума.

На здзіўленне плённым аказаўся першы месяц восені для мастацкай студыі “Каларытны свет”, створанай пры Даўгаўпілскім Цэнтры беларускай культуры (ЦБК), якім кіруе вядомая ў горадзе і за яго межамі самадзейная мастачка Вэлта Лоцэ.

5 верасня 2020 года ў канцэртнай зале Дома Адзінства ў рамках Дзён беларускай культуры ў Даўгаўпілсе Цэнтр беларускай культуры (ЦБК) у супрацоўніцтве з культурна-асветніцкім таварыствам “Уздым” святочным канцэртам да 20-годдзя танцавальнага ансамбля “Лянок” адкрыў новы творчы сезон.

31 жніўня 2020 года ў Даўгаўпілскім Цэнтры беларускай культуры (ЦБК) адбыўся юбілейны творчы вечар “Па хвалях маёй памяці” вядомай у горадзе ўрача, паэткі, мастачкі, уладальніцы сярэбранага знака “Узнагарода года-2014” Даўгаўпілскай гарадской думы, члена Беларускага таварыства “Уздым” Настассі Сазанковой. “Сто гадоў!” праспявалі госці вечара юбіляру стоячы, пад апладысменты. Значыць, так і будзе!

          3 верасня 2020 года Генеральны консул Рэспублікі Беларусь у Даўгаўпілсе Ілля Віктаравіч Лапуць уручыў консульскі патэнт у МЗС Латвіі, такім чынам завяршыўшы працэдуру акрэдытацыі, і прыступіў да выканання дыпламатычных абавязкаў у поўным аб'ёме. Новы кіраўнік беларускага дыппрадстаўніцтва сустрэўся з мэрам Даўгаўпілса І.Прэлатавым, пазнаёміўся з актывам дыяспары.

         У суботу, 5 верасня 2020 года, у 14.00, у рамках Дзён беларускай культуры ў Даўгаўпілсе, у канцэртнай зале Доме Адзінства, Цэнтр беларускай культуры (ЦБК) у супрацоўніцтве з таварыствам “Уздым” святочным канцэртам да 20-годдзя танцавальнага ансамбля “Лянок” адкрывае новы творчы сезон.

          У святочным канцэрце прымуць удзел усе творчыя калектывы ЦБК: ансамбль беларускай народнай песні “Купалінка”, харавая капэла “Спадчына”, вакальны ансамбль “Пралескі”, дзіцячая студыя “Скарбніца”; калектывы Цэнтраў рускай, польскай, украінскай культур. Ну, а асновай праграмы, вядома ж, стануць паказальныя выступленні танцавальнага ансамбля “Лянок”, які ў гэтым годзе адзначае сваё 20-годдзе.

          У гэты няпросты час запрашаем гараджан на святочнае мерапрыемства, каб атрымаць зарад добрага настрою і пазітыву ад каларытных беларускіх песень, яркіх і гарэзлівых танцаў.
        Чакаем Вас у 14 гадзін, у канцэртнай зале Дома Адзінства, па адрасе: Даўгаўпілс, вул.Рыгас, 22а.
          Уваход свабодны. Колькасць месцаў абмежаваная: трэба выконваць сацыяльную дыстанцыю і меры санітарнай бяспекі (дэзінфекцыя рук).
         На мерапрыемстве вядзецца фота і відэаздыманне.

         Сустракаемся на свяце!


Інфармацыя падрыхтавана:
Цэнтр беларускай культуры,
Марыя Памецька, метадыст ЦБК

           7 жніўня 2020 года прадстаўнічая дэлегацыя Даўгаўпілскага Цэнтра беларускай культуры і беларускага таварыства “Уздым” пабывала ў гасцях у сваіх екабпілскіх сяброў – у беларускім таварыстве “Спатканне”, якое нядаўна пераехала ў новы офіс.