З 18 па 23 ліпеня 2016 года ў г.Глыбокае Віцебскай вобласці (Беларусь), які заўсёды славіўся сваімі вішнёвымі садамі, адбыўся чацвёрты «Вішнёвы фестываль». Самабытны рэгіянальны фестываль сваёй прысутнасцю ўшанаваў міністр культуры РБ Барыс Святлоў. Па запрашэнню Глыбокскага раённага выканаўчага камітэту ў «Вішнёвым фестывалі» прыняў удзел ансамбль народнай песні «Купалінка» даўгаўпілскага Цэнтра беларускай культуры, а паміж установамі Даўгаўпілса і Глыбокага было падпісана пагадненне аб супрацоўніцтве ў сферы культуры.

14 ліпеня 2016 года ў Віцебску (Беларусь) адбылося ўрачыстае адкрыццё юбілейнага, XXV Міжнароднага фестывалю мастацтваў «Славянскі базар у Віцебску». У той жа вечар на галоўнай вулічнай сцэне фестывальнага Віцебска, на плошчы Свабоды, выступаў вакальна-інструментальны ансамбль «Пралескі» даўгаўпілскага Цэнтра беларускай культуры (ЦБК). Беларускія і латышсія песні ў выкананні маладога заўзятага каллектыву пад кіраўніцтвам Настассі Малышавай гледачы сустрэлі шчодрымі апладысментамі.

17 ліпеня 2016 года ў вёсцы Пераброддзе, якая раскінулася ў вельмі маляўнічым месцы на беразе дзіўнага па прыгажосці возера ў Міёрскім раёне Віцебскай вобласці Беларусі, прайшоў юбілейны, Х фестываль народнай творчасці “Перабродская зорка”, у якім прынялі самы актыўны ўдзел творчыя калектывы даўгаўпілскага Цэнтра беларускай культуры (ЦБК) – танцавальны ансамбль “Лянок” і вакальны ансамбль сеньёраў “Спадчына”.

9 ліпеня 2016 года, у суботу вечарам, у аблюбаваным месцы адпачынку гараджан, у парку Дубровіна, прайшло яркае, маляўнічае, тэатралізаванае дзейства пад назвай “Беларускае Купалле”, арганізаванае даўгаўпілскім Цэнтрам беларускай культуры (ЦБК) пры падтрымцы Упраўлення культуры і Цэнтра латышскай культуры.

У першыя дні ліпеня ў Даўгаўпілсе і розных гарадах Латгаліі з вялікім поспехам прайшоў першы фестываль нацыянальных культур Латвіі „Pynu, pynu sītu”, закліканы папулярызаваць і развіваць багацейшую культурную і самабытную спадчыну нацменшасцей, якія жывуць у Латвіі.

9 чэрвеня 2016 года, у суботу, у аблюбаваным месцы адпачынку даўгаўпілчан, у парку Дубровіна, у 19.00, пройдзе свята “Беларускае Купалле”, арганізаванае даўгаўпілскім Цэнтрам беларускай культуры (ЦБК) пры падтрымцы Упраўлення культуры і Цэнтра латышскай культуры. Сардэчна запрашаем!

3 ліпеня Рэспубліка Беларусь святкуе Дзень незалежнасці (Дзень Рэспублікі), галоўнае свята беларускай дзяржаўнасці. У гонар гэтай даты ў даўгаўпілскім Цэнтры беларускай культуры (ЦБК) была падрыхтавана выстава.

22 чэрвеня 2016 года ў Даўгаўпілскім універсітэте (ДУ) прайшоў выпускны баль Гуманітарнага факультэта. У ліку выпускнікоў буйнейшага дзяржаўнага ўнівесітэта Усходняй Латвіі дыплом бакалаўра атрымала Ірына Якушонак, арганізатар культурных мерапрыемстваў Цэнтра беларускай культуры (ЦБК). Віншуем!

19 ліпеня 2016 года ў пасёлку Сілэнэ Скрудаліенскай воласці Даўгаўпілскага краю ў восьмы раз прайшоў стаўшы ўжо традыцыйным песенны злёт “Šūpojamies dziesmās”, у якім прыняў удзел ансамбль народнай песні “Купалінка” даўгаўпілскага Цэнтра беларускай культуры (ЦБК). Беларускія і латышскія песні ў задорным выкананні ансамбля пад кіраўніцтвам Вячаслава Пятрова былі сустрэты шчодрымі апладысментамі.

Скуль мае карані? На гэтае пытанне душеўна і кранальна адказалі аўтары сачыненняў пра сваю малую радзіму ў Беларусі. Вынікі конкурсу эсэ будуць падведзены на святочным канцэрце Дзён беларускай культуры ў Даўгаўпілсе, які адбудзецца 27 мая 2016 года, у 18.00, у Палацы культуры, у малой зале. Сардэчна запрашаем!