12 мая 2023 года ў Даўгаўпілсе вялікім яркім канцэртам завяршылася акцыя “Суквецце культур”, якую са студзеня рэалізоўваў Цэнтр беларускай культуры (ЦБК). У Доме Адзінства пры поўным аншлагу 17 калектываў і салістаў з 9 цэнтраў культур і нацыянальна-культурных таварыстваў прадставілі мультыкультурнае суквецце Даўгаўпілса.
12 мая 2023 года, у 18.00, у Доме Адзінства (вул. Рыгас, 22А) адбудзецца канцэрт нацыянальна-культурных ансамбляў Даўгаўпілса “Суквецце культур”, прымеркаваны да Сусветнага дня культурнай разнастайнасці ў імя дыялогу і развіцця.
29 красавіка 2023 года ў г. Вісагінас (Літва) з аншлагам прайшоў канцэрт ансамбля беларускай песні “Світанак”, прысвечаны 25-годдзю творчай дзейнасці. Сябры з Даўгаўпілса таксама павіншавалі юбіляраў.
Шмат гадоў, штогод, 26 красавіка ў Даўгаўпілсе прадстаўнікі беларускай, украінскай і рускай абшчын у праваслаўным храме ў малітве памінаюць усіх пацярпелых у выніку аварыі на Чарнобыльскай атамнай электрастанцыі.
Радаўніца. Свята, дзень першага пасля Вялікадня памінання памерлых. І пасля зімы першы аб'езд магіл дзеячаў беларускай абшчыны розных перыядаў.
20 красавіка 2023 года ў Даўгаўпілскім Цэнтры беларускай культуры (ЦБК) адбыўся чацвёрты этап даследчай акцыі “Суквецце культур”. Тэмай сустрэчы з прадстаўнікамі Цэнтра рускай культуры і таварыства “Дома Калістратава” стаў Вялікдзень: падабенства і адрозненне абрадаў і традыцый свята.
6 красавіка 2023 года ў Даўгаўпілскім Цэнтры беларускай культуры (ЦБК) у рамках цыкла вясновых выстаў адкрылася першая персанальная выстава карцін “Маляўнічая палітра” самадзейнай мастачкі Ганны Багдановіч.
5 красавіка 2023 года ў Даўгаўпілскім Цэнтры беларускай культуры (ЦБК) стартаваў цыкл вясновых мастацкіх выставак. “Каляровы калейдаскоп” – так называецца першая персанальная выстава вышыўкі педагога Сандры Раманоўскай, прымеркаваная да светлага свята Вялікадня.
27 сакавіка 2023 года тэатральная студыя «Паўлінка» Даўгаўпілскага Цэнтра беларускай культуры (ЦБК) адзначыла свой 15-гадовы юбілей бліскучым тэатральным прадстаўленнем, прымеркаваным да Сусветнага дня тэатра.