3 лістапада 2022 года ў Даўгаўпілскім Цэнтры беларускай культуры (ЦБК) адкрылася літаратурная выстава, прымеркаваная да 140-годдзя класіка беларускай літаратуры Якуба Коласа, які ўпісаў эпахальную старонку ў гісторыю беларускай літаратуры і культуры.

29 кастрычніка 2022 года ў Даўгаўпілскім Цэнтры беларускай культуры з аншлагам прайшоў IV Міжнародны фестываль беларускай аўтарскай песні, арганізаваны Беларускім культурна-асветніцкім таварыствам "Уздым". У гэтым годзе культурны форум набыў паэтычную назву – "Восеньскія зоры", якая адлюстроўвае яго сутнасць: восенню, пад зоркамі, запальваюцца новыя песні і "зоркі".

22 кастрычніка 2022 года ў Вісагінасе адбылося XXVI Свята беларускай песні, арганізаванае Аб'яднаннем беларускіх грамадскіх арганізацый Літвы. На фестывалі ў горадзе садружнасці пабывалі беларусы Даўгаўпілса: ансамбль беларускай народнай песні “Купалінка” Цэнтра беларускай культуры (ЦБК) і прадстаўнікі культурна-асветніцкага таварыства “Уздым”.

15 кастрычніка 2022 года ў канцэртнай зале Дома Адзінства з аншлагам прайшоў XII Міжнародны фестываль народнай культуры “Беларускі кірмаш у Даўгаўпілсе”, арганізаваны Цэнтрам беларускай культуры Даўгаўпілскага гарадскога самакіравання (ЦБК), у якім прынялі ўдзел творчыя калектывы з Латвіі і Літвы.

16 кастрычніка 2022 года ў Доме культуры горада Дагда прайшоў святочны канцэрт Дзён беларускай культуры, арганізаваны Дагдскім беларускім таварыствам “Вербіца”. Вакальна-інструментальны ансамбль “Пралескі” Цэнтра беларускай культуры падтрымаў мерапрыемства, выканаўшы песні са свайго рэпертуару.

16 кастрычніка 2022 года дэлегацыя Цэнтра беларускай культуры (ЦБК) Даўгаўпілскага гарадскога самакіравання і Беларускага культурна-асветніцкага таварыства “Уздым” пабывала ў гасцях у Прэйльскага славянскага таварыства “Радуга” на святкаванні 26-годдзя жаночага вакальнага ансамбля “Рабінушка”.

8 кастрычніка 2022 года ў канцэртнай зале Дома Адзінства прайшло тэматычнае мерапрыемства “Восеньскі баль”, арганізаванае Даўгаўпілскім латышскім таварыствам, у якім таксама прынялі ўдзел калектывы Цэнтра беларускай культуры – вакальны ансамбль “Пралескі” і дзіцячая студыя “Скарбніца” і прадстаўнікі таварыства “Уздым”.

2 кастрычніка 2022 года ў Крустпілскім Доме культуры адбыўся фестываль “Бульба”, арганізаваны Екабпілскім беларускім таварыствам “Спатканне”. Па традыцыі свята падтрымалі творчыя калектывы Даўгаўпілскага Цэнтра беларускай культуры (ЦБК) – танцавальны ансамбль “Лянок” і харавая капэла “Спадчына”.

30 верасня 2022 года ў Цэнтры беларускай культуры (ЦБК) адбылося ўрачыстае ўручэнне дыпломаў удзельнікам Адкрытага міжнароднага конкурсу дзіцячага малюнка “Дружаць дзеці на планеце”. Дзеці з розных краін свету малявалі будучыню і космас, а іх працы ацэньвала прафесійнае журы ў Беларусі.

У суботу, 15 кастрычніка 2022 года, у 14:00, у канцэртнай зале Дома Адзінства (вул. Рыгас, 22А) адбудзецца канцэрт XII Міжнароднага фестывалю народнай культуры “Беларускі кірмаш у Даўгаўпілсе” з удзелам творчых калектываў беларусаў Латвіі і Літвы.