"Святло ў вакне» загарэлася ў Беларускім доме

У сераду, 21 снежня 2016 года, у Даўгаўпілскім Цэнтры беларускай культуры (ЦБК) пачала працаваць першая персанальная выстава карцін "Святло ў вакне» Ефрасінні Лелэ, члена Асацыяцыі свабодных мастакоў Латгаліі. Прыхільнікі і аматары жывапісу адкрылі для сябе новае імя!

У ціхі час Адвенту Цэнтр беларускай культуры адкрыў новае імя ў творчым асяроддзі Даўгаўпілса - мастачкі Ефрасінні Лелэ, ураджэнкі Беларусі. Што сімвалічна, калектыўная выстава Асацыяцыі свабодных мастакоў Латгаліі адкрывала 2016 год у ЦБК, а персанальная выстава члена Асацыяцыі закрывае год. Сімвалічна і імя мастачкі. Як вядома, апякункай і нябеснай заступніцай зямлі беларускай шануецца Еўфрасіння Полацкая, у гонар якой беларусы называюць сваіх дачок.

Е.Лелэ нарадзілася ў Браслаўскім раёне Віцебскай вобласці, той вёсачкі ўжо больш не існуе.... Такое прыгожае імя бацькі далі дачцэ ў гонар яе бабулі, а бабушку так назвалі ў гонар беларускай святой. У 1961 году сям'я пераехала ў Латвію. У Рыжскім вучылішча Ефрасіння атрымала спецыяльнасць гравёра. Шмат гадоў жыве і працуе ў Даўгаўпілсе.

Аднойчы, у верасні 2016 года, Ефрасіння Лелэ прыйшла на персанальную выставу мастачкі Вэлты Лоцэ, якая адкрыла новы творчы сезон у Цэнтры беларускай культуры. І сціпла распавяла пра тое, што сама «піша ў стол». Кіраўніца ЦБК Жанна Раманоўская і старшыня Асацыяцыі свабодных мастакоў Латгаліі Марыя Сафронава прапанавалі паглядзець яе працы і, у выпадку станоўчай ацэнкі, прыняць удзел у снежаньскай выставе. Так Ефрасіння Лелэ стала членам Асацыяцыі свабодных мастакоў Латгаліі, а яе карціны ўпершыню публічна прадстаўленыя шырокаму гледачу.

Выстава "Святло ў вакне» - дэбют самадзейнай мастачкі, першая персанальная выстава. Ефрасіння Лелэ малюе са школьных гадоў, для сябе, для душы. Толькі, калі выйшла на пенсію, цалкам аддалася свайму хобі - жывапісу. На выставе ў ЦБК прадстаўлена 30 карцін Е.Лелэ. Большая частка прац - найпрыгажэйшыя беларускія і латгальскіх краявіды. Таксама шырока прадстаўлена марская тэматыка, таму што Ефрасіння яшчэ маленькай дзяўчынкай, патрапіўшы ўпершыню на мора, закахалася ў яго на ўсё жыццё. Карціны напісаныя маслам, выпраменьваюць вельмі шмат святла і цяпла. Дарэчы, святлом у акенцы для Ефрасінні Лелэ стала жывапіс, таму выстава і названая «Святло ў вакне».

Адкрыццё выставы прайшло ў вельмі цёплай абстаноўцы, пры святле каляднай свечкі. Мастачку павіншавалі з паспяховым дэбютам і жадалі далейшых творчых поспехаў Ж.Раманоўская, М.Сафронава, мастачка і паэтка Настасся Сазанкова, сябры, калегі і знаёмыя.

Выдатны музычны падарунак для Е.Лелэ і ўсіх гасцей паднеслі Вэлта Лоцэ і Валерый Кацегаў, прыгожа выканаўшы лірычныя песні пад гітару, а ў якасці звязкаў паміж песнямі гучалі вершы ў выкананні Стэлы Грыгор'евай.

Пасля ўрачыстага адкрыцця выставы гледачы яшчэ доўга не разыходзіліся, любаваліся карцінамі, абменьваліся ўражаннямі за кубачкам кавы і падпявалі Любові Кавалёвай, Надзеі Свірковіч, Марыі Памецька, якія выканалі некалькі беларускіх народных песень для Ефрасінні і ўсіх гасцей.

Выстава "Святло ў вакне" будзе адкрыта для ўсіх жадаючых да 21 студзеня 2017 года (з 9.00 да 17.00). Уваход бясплатны.

Арганізатар: Цэнтр беларускай культуры ў супрацоўніцтве з Асацыяцыяй свабодных мастакоў Латгаліі.

Інфармацыя падрыхтавана:

Цэнтр беларускай культуры,

Марыя Памецька, метадыст ЦБК,

т. 654 24695, 29811969, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., www.bkc.daugavpils.lv

г.Даўгаўпілс, вул.Смілшу, 92,

Палац культуры, ЦБК - 3 паверх, каб. 305-306