На Свяце Даўгаўпілса гучалі беларускія песні і танцы

1 чэрвеня 2024 года, у рамках святкавання 749-годдзя горада Даўгаўпілса, творчыя калектывы Цэнтра беларускай культуры Дома Адзінства (ЦБК) прынялі ўдзел у канцэртнай праграме, прысвечанай Святу горада.

“Мой горад – Даўгаўпілс!” – пад такім дэвізам прайшло Свята Даўгаўпілса, якое запомнілася ўсім гараджанам і гасцям горада сваёй непаўторнай атмасферай,

На сцэне перакрыжавання вуліц Рыгас і Міхоэлса з віншавальнай канцэртнай праграмай выступілі ўсе аматарскія творчыя калектывы ЦБК: ансамбль беларускай народнай песні “Купалінка” (кіраўнік В. Пятроў), танцавальны ансамбль “Лянок” (кіраўніца М. Медунецкая), вакальна-інструментальны ансамбль “Пралескі” (кіраўніца А. Лукашэнак), харавая капэла “Спадчына” (кіраўнік С. Братусеў), дзіцячая студыя “Скарбніца” (кіраўніца А. Лукашэнак) і тэатральная студыя “Паўлінка” (кіраўніца

І. Казлоўская).

У калейдаскопе шматлікіх канцэртаў музычныя выступленні артыстаў Цэнтра беларускай культуры былі годна ацэнены гледачамі. Узнагародай калектывам сталі падзячныя граматы ад самакіравання.

Інфармацыя падрыхтавана:

Марыя Памецька,

метадыст Цэнтра беларускай культуры

т.: +371 65424695, 29811969

эл. пошта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.