У аўторак, 19 снежня 2017 года, у 17.00, у Даўгаўпілскім Цэнтры беларускай культуры (ЦБК) адбудзецца чарговы музычна-паэтычны вечар вядомага ў Даўгаўпілсе сямейнага і творчага саюза: аўтараў зборнікаў вершаў і выканаўцаў песень Людмілы Вілюмы і Яўціхія Канаплёва.
Яўціхій Канаплёў - член Рускай пісьменніцкай арганізацыі Латвіі, член Расійскага саюза пісьменнікаў, каардынатар Рускай пісьменніцкай арганізацыі Даўгаўпілса, аўтар некалькіх зборнікаў вершаў.
Людміла Вілюма - член Рускай пісьменніцкай арганізацыі Латвіі, член Рускай пісьменніцкай арганізацыі Даўгаўпілса, таксама аўтар некалькіх зборнікаў вершаў.
У 2015 годзе яны прысвяцілі 740-годдзю Даўгаўпілса зборнік песень "Два сердца". А ў мінулым годзе выдалі дзве кнігі: Яўціхій Канаплёў - "Серебряной тропою...", Людміла Вілюма - "Тропинка в полвека длиной".
Людміла Вілюма і Яўціхій Канаплёў - частыя госці ў Цэнтры беларускай культуры, дзе кожны творчы сезон праходзяць іх літаратурныя вечарыны. Яны з'яўляюцца актыўнымі членамі беларускага культурна-асветніцкага таварыства «Уздым». На творчым вечары Л.Вілюма і Я.Канаплёў будуць чытаць свае вершы, спяваць песні, весці размовы з аднадумцамі. Святочны вечар упрыгожаць музычныя нумары: выступленне харавой капэлы ЦБК «Спадчына», паэта і выканаўцы Анатоля Галера, барда Віталя Міхайлоўскага і іншых.
Запрашаем усіх аматараў паэтычнага слова і музыкі на вечар «Натхненне», які адбудзецца ў аўторак, 19 снежня 2017 года, у 17.00, у Цэнтры беларускай культуры па адрасе: г.Даўгаўпілс, вул.Алеяс, 68-1А (уваход са двара).
Сардэчна запрашаем!
Інфармацыя падрыхтавана:
Цэнтр беларускай культуры
