Паэт Павел Плотнікаў адзначыў 80-гадовы юбілей творчым вечарам

25 лютага 2026 года ў Фарштацкім культурным прасторы адбыўся юбілейны творчы вечар даўгаўпілскага паэта Паўла Плотнікава.

Вядомы ў Даўгаўпілсе і Латгаліі паэт, актыўны ўдзельнік літаратурнай супольнасці і аўтар васьмі паэтычных зборнікаў, Павел Плотнікаў па традыцыі адзначыў свой юбілей выхадам новай кнігі і творчай сустрэчай у коле аднадумцаў і аматараў паэзіі.

У гонар 80-годдзя паэта ў свет выйшаў невялікі зборнік вершаў “Памяць і нешта большае“. У кнігу ўвайшлі тры главы – “І слова было Бог“, “Любіць – не перастаць любіць“, “А музыка гучыць“, якія і ляглі ў аснову літаратурна-музычнага вечара.

П. Плотнікаў шчыра і вобразна дэкламаваў свае вершы, знаходзячы водгук у душы кожнага слухача. Вечар прайшоў дынамічна і вельмі душэўна: паэтычныя чытанні чаргаваліся з музычнымі нумарамі, гучалі песні на вершы юбіляра. Музычную праграму ўпрыгожылі і ўзбагацілі: ансамбль беларускай народнай песні “Купалінка“ (мастацкі кіраўнік Вячаслаў Пятроў), барды Алена Віткевіч і Анатоль Галер, музычны гурт “Кварта+“ (мастацкі кіраўнік Анатоль Байко).

Паэта цёпла павіншавалі з юбілеем работнікі Фарштацкай культурнай прасторы, сябры даўгаўпілскіх пісьменніцкіх арганізацый і многія іншыя госці.

Мерапрыемства было арганізавана Фарштацкай культурнай прасторай Цэнтра нацыянальных культур установы “Даўгаўпілскі Палац культуры“ Даўгаўпілскага дзяржаўнага гарадскога самакіравання.

Інфармацыя падрыхтавана:

Цэнтр нацыянальных культур

муніцыпальнай установы “Даўгаўпілскі Палац культуры“,

тэл. +371 27052640