18 сакавіка 2024 года ў Цэнтры беларускай культуры Дома Адзінства (ЦБК) прайшло беларускае народнае абрадавае свята “Гуканне вясны”, з традыцыямі якога пазнаёміліся замежныя студэнты Даўгаўпілскага ўніверсітэта (ДУ).
У Цэнтра беларускай культуры ёсць вопыт зазывання вясны прама ў сценах Даўгаўпілскага ўніверсітэта, а ў гэты раз замежныя студэнты, якія вывучаюць рускую мову, з ЗША, Вялікабрытаніі, Нарвегіі, Беларусі наведаліся ў ЦБК, дзе сталі ўдзельнікамі свята “Гуканне вясны”.
“Гуканне вясны” – адно з самых яркіх і жыццярадасных народных святаў у беларусаў. Як прынята ў народзе, на свяце студэнты захоплена спявалі “Гуу-уу-у”, слухалі трэлі жаўрука і любаваліся сімвалам вясны – буслом, вадзілі карагоды, гулялі ў вясёлыя гульні, вешалі яркія стужачкі на галінкі дрэва, спрабавалі хатні пірог у выглядзе птушачкі, майстравалі сваімі рукамі птушку-выцінанку з паперы. У гэтым ім дапамагалі ўдзельнікі тэатральнай студыі “Паўлінка”, ансамбля беларускай народнай песні “Купалінка”, вакальнага ансамбля “Пралескі”, дзіцячай студыі “Скарбніца” і Даўгаўпілскага беларускага таварыства “Альтанка”.
Галоўныя правілы “Гукання вясны” – весяліцца, спяваць, танцаваць і радавацца жыццю, былі выкананы!
https://bkc.daugavpils.lv/be/home/11-newsru/670-arvalstu-studenti-baltkrievu-trad-cijas-sasauca-pavasari?print=1&tmpl=component#sigProIda59955c46e
Інфармацыя падрыхтавана:
Марыя Памецька,
метадыст Цэнтра беларускай культуры