1 сакавіка 2024 года ў Цэнтры беларускай культуры Дома Адзінства (ЦБК) адкрылася персанальная выстава карцін “Аб усім пакрыху” даўгаўпілскай мастачкі Вэлты Лоцэ.
Першы дзень вясны ў Цэнтры беларускай культуры азнаменаваўся адкрыццём мастацкай выставы “Аб усім пакрыху” Вэлты Лоцэ. Больш за дваццаць прадстаўленых работ: пейзажы, кветкі, нацюрморты, партрэты, рэпрадукцыі вядомых карцін, прасякнуты любоўю аўтара да навакольнага свету, захапляюць майстэрствам, разнастайнасцю сюжэтаў, гармоніяй фарбаў. Большасць карцін напісаны нядаўна і выстаўляюцца ўпершыню.
Цэнтр беларускай культуры і Вэлту Лоцэ звязвае шматгадовае плённае супрацоўніцтва, з самай першай выставы.
Адкрыццё выставы суправаджала выступленне ансамбля беларускай песні “Купалінка” ЦБК, вакальных і танцавальных талентаў.
Вэлту Лоцэ цёпла павіншавалі першы намеснік старшыні Даўгаўпілскай гарадской думы Аляксей Васільеў, мясцовыя мастакі і паэты, прадстаўнікі грамадскіх арганізацый, сябры і прыхільнікі яе творчасці.
Выстаўка карцін “Аб усім пакрыху” Вэлты Лоцэ будзе адкрыта ў ЦБК (Даўгаўпілс, вул. Алеяс, 68-1А) да 20 мая 2024 года, з 9.00 да 17.00 па працоўных днях.
https://bkc.daugavpils.lv/be/home/11-newsru/669-veltas-loces-gleznu-pavasara-izstade-ir-atverta-l-dz-20-maijam?print=1&tmpl=component#sigProIdb38c64b5df
Інфармацыя падрыхтавана:
Марыя Памецька,
метадыст Цэнтра беларускай культуры