Даугаўпілскі Цэнтр беларускай культуры (ЦБК) правёў конкурс дзіцячых малюнкаў “Дзіўны свет Васіля Віткі” па творах беларускага пісьменніка і паэта, прысвечаны 110-годдзю з дня нараджэння аўтара. З выставай малюнкаў можна азнаёміцца онлайн, на хатняй старонцы ЦБК www.bkc.daugavpils.lv і старонцы ў Facebook.
https://bkc.daugavpils.lv/be/home/11-newsru/470-shkolniki-dvukh-krain-malyavali-pa-tvorakh-vasilya-vitki?print=1&tmpl=component#sigProIdda17b4059d
Васіль Вітка (сапраўднае імя Цімафей Васільевіч Крысько) – заслужаны дзеяч культуры Беларусі, празаік, паэт, драматург, крытык, перакладчык. Аднак маладому пакаленню ён знаёмы як дзіцячы пісьменнік. Творчасць Васіля Віткі для дзяцей – свет чараўніцтва, прыгажосці, незвычайных прыгод, гармоніі гукаў і фарбаў. Сваімі творамі аўтар вучыў дзяцей любіць родную мову, дапамагаў разабрацца ў паняццях дабра і зла, імкнуўся выхаваць іх актыўнымі і эмацыйнымі людзьмі.
Васіль Вітка вядомы за межамі Беларусі па перакладах на беларускую мову прозы і паэзіі Талстога, Чэхава, Маякоўскага, Маршака, Міхалкова, Барто, Рубцова, Стэльмаха, Райніса і іншых пісьменнікаў.
“Дзіўны свет Васіля Віткі” – конкурс малюнкаў, арганізаваны і праведзены ЦБК, у якім прынялі ўдзел дзеці ва ўзросце ад 7 да 14 гадоў з Даўгаўпілса: 1 д/сад, 21 д/сад,
6 сярэдняя школа ім. Я.Райніса, 11 асноўная школа, асноўная школа “Vienības”,
13 сярэдняя школа; з Наўенскай асноўнай школы Даўгаўпілскага краю, а таксама з Краслаўскай сярэдняй школы “Varavīksne”; удзельнікі творчай майстэрні “Скарбніца” аддзела турызму і актыўнага адпачынку Полацкага раённага цэнтра дзяцей і моладзі (Беларусь).
Цэнтр беларускай культуры выказвае падзяку ўсім удзельнікам конкурсу, іх педагогам і бацькам. Вынікі конкурсу падведзены – усе ўдзельнікі атрымаюць дыпломы і фірменныя сувеніры.
Паглядзець дзіцячыя малюнкі можна на сайце www.bkc.daugavpils.lv і старонцы Цэнтра беларускай культуры ў Facebook.
Інфармацыя падрыхтавана:
Цэнтр беларускай культуры