14 лістапада 2025 года ў Цэнтры беларускай культуры Дома адзінства ў гонар 107-й гадавіны абвяшчэння Латвійскай Рэспублікі адбыўся яркі святочны канцэрт “Прысвячэнне Латвіі”.
Канцэрт пачаўся з урачыстага моманту – прагучаў гімн Латвійскай Рэспублікі.
Святочную атмасферу вечара напоўнілі выступленні творчых калектываў Цэнтра беларускай культуры Дома адзінства. На сцэне прагучалі музычныя нумары на латышскай і беларускай мовах у выкананні ансамбля беларускай народнай песні “Купалінка”, харавой капэлы “Спадчына”, вакальнага ансамбля “Пралескі”, дзіцячай студыі “Скарбніца”. Публіка з непадробленай цікавасцю прымала ўсе песенныя нумары і заўзятыя латышскія і беларускія танцы, якія падрыхтаваў ансамбль “Лянок”.
Завяршыла канцэрт латышская народная песня “Pūt, vējiņi” у акапэльным выкананні тэатральнай студыі “Паўлінка”.
Наведвальнікі ўдзельнічалі ў віктарыне, а таксама стваралі брошкі са стужачак у колерах латвійскага флага, якімі затым упрыгожылі свае касцюмы.
Святочнае мерапрыемства, якое сабрала поўную залу гледачоў, прайшло ўрачыста, дынамічна і душэўна.
Арганізатар: Цэнтр беларускай культуры Дома адзінства Даўгаўпілскага дзяржаўнага гарадскога самакіравання.
https://bkc.daugavpils.lv/be/11-newsru/793-svin-gais-koncerts-izskaneja-par-godu-latvijas-107-gadadienai?print=1&tmpl=component#sigProIda0529b9cf5
Інфармацыя падрыхтавана:
Цэнтр беларускай культуры Дома адзінства