7 лістапада 2025 года ў Паўднёва-Латгальскім цэнтры падтрымкі недзяржаўных арганізацый (NVO) адбылася лекцыя пра Халакост у рамках праекта “Адкрыты лекторый. Таямніцы часу і прасторы”. Ініцыятыву Цэнтра рускай культуры “Дом Калістратава” падтрымаў ансамбль “Купалінка” Цэнтра беларускай культуры Дома адзінства.
Лекцыя Іосіфа Рочкі – гісторыка, пісьменніка, заснавальніка музея “Яўрэі ў Даўгаўпілсе і Латгаліі”, кавалера Ордэна Трох Зорак, была прысвечана яго новай кнізе “Спасение, спасители и спасенные в Латгалии в годы Холокоста” і асобным гісторыям. Аўтар прывёў сведчанні жывых людзей, якія рызыкавалі сваім жыццём і жыццём сваіх блізкіх дзеля выратавання незнаёмых, па сутнасці, людзей. У кнізе І. Рочкі выкладзена гісторыя каля 90 выпадкаў выратавання яўрэяў падчас Другой сусветнай вайны
Лекцыя суправаджалася музычнымі нумарамі на ідышы, беларускай і рускай мовах, выкананымі калектывамі з Яўрэйскай абшчыны, Цэнтра рускай культуры і Цэнтра беларускай культуры. Ансамбль “Купалінка” выканаў народныя песні, у якіх адлюстроўваецца сімвалізм вады, як крыніцы памяці, збавення і любасці.
Аўтар праекта “Адкрыты лекторый. Таямніцы часу і прасторы” – член праўлення грамадскай арганізацыі “Цэнтр рускай культуры «Дом Калістратава»” Галіна Іванова.
https://bkc.daugavpils.lv/be/11-newsru/792-pieminu-par-holokaustu-saglaba-cilveki-gramatas-sabiedr-ba?print=1&tmpl=component#sigProIdf89f467992
Інфармацыя падрыхтавана:
Марыя Памецька,
метадыст Цэнтра беларускай культуры
т.: +371 65424695, 29811969
эл. пошта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.