Daugavpils pilsētas domes Baltkrievu kultūras centrs
Alejas iela 68-1A, Daugavpils, Latvija, LV-5401
Tālr./fax +371 65424695, mob.tālr. +371 20374840, e-pasts: cbk@inbox.lv, bkc.daugavpils.lv

Дзіцячая студыя “Скарбніца”

Дзіцячая студыя “Скарбніца”

Заснавана ў 2019 годзе.

Кіраўнік творчага калектыву – прафесійны педагог і спявачка Анастасія Міхайлаўна Лукашонак.

Склад ансамбля – 8 школьнікаў. Дзеці спяваюць беларускія народныя і аўтарскія песні.

Дэбют дзіцячай студыі “Скарбніца” з песняй “Беларусь чароўная” адбыўся на святочным канцэрце Дзён беларускай культуры ў Даўгаўпілсе, прысвечаным 20-годдзю Цэнтра беларускай культуры.

Зноў на вялікую сцэну “Скарбніца” выйшла на народным свяце “Беларускае Купалле” у Цэнтральным парку Даўгаўпілса і на IX Міжнародным фестывалі народнай культуры “Беларускі кірмаш у Даўгаўпілсе”.

А першае падарожжа і выступленне на конкурсе стала выдатным. 23 лістапада 2019 года ў Рызе адбыўся 1-й Конкурс беларускай песні ў Латвіі, арганізаваны Пасольствам Рэспублікі Беларусь у Латвіі сярод творчых калектываў беларускіх арганізацый краіны. У лік пераможцаў увайшла дзіцячая студыя “Скарбніца” з Даўгаўпілса, якая атрымала пуцёўку на паездку ў Мінск для ўдзелу ў IV Фестывалі беларусаў свету ў 2020 годзе.