У суботу, 29 лістапада 2025 года, у 14.00, у канцэртнай зале Дома адзінства (вул. Рыгас, 22А, Даўгаўпілс) адбудзецца святочны канцэрт “Ансамблю “Лянок” – 25!”.
Танцавальны ансамбль “Лянок” заснаваны ў 2000 годзе. У рэпертуары самадзейнага калектыву – беларускія і латышскія народныя танцы, стылізаваныя і гульнявыя танцы. У складзе ансамбля – 12 удзельнікаў, большая частка якіх танцуе больш за 10 гадоў, а трое – з моманту стварэння калектыву. Кіраўніца ансамбля – педагог, выкладчык танцаў Марына Медунецкая, канцэртмайстар – педагог, музыкант Вячаслаў Пятроў.
Ансамбль “Лянок” неаднаразова ўдзельнічаў ва Уселатвійскім свяце песні і свяце танца, Латвійскім фестывалі нацыянальных меншасцей, шматлікіх міжнародных фестывалях у Латвіі і за мяжой.
Самадзейныя танцоры парадуюць гледачоў лепшымі нумарамі са свайго рэпертуару. З віншавальнымі нумарамі выступяць таксама ўсе творчыя калектывы Цэнтра беларускай культуры Дома адзінства: ансамбль беларускай народнай песні “Купалінка”, вакальны ансамбль “Пралескі”, харавая капэла “Спадчына”, дзіцячая студыя “Скарбніца”, тэатральная студыя “Паўлінка”.
Уваход вольны.
Арганізатар – Цэнтр беларускай культуры Дома адзінства.
Інфармуем, што падчас мерапрыемства будзе весціся відэаздымка і фотаздымка ў публіцыстычных і гістарычных мэтах.
Інфармацыя падрыхтавана:
Марыя Памецька,
метадыст Цэнтра беларускай культуры
т.: +371 65424695, 29811969
эл. пошта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.