25 мая 2022 года ў Даўгаўпілскім Цэнтры беларускай культуры (ЦБК) у рамках Дзён беларускай культуры адбылося ўрачыстае адкрыццё персанальнай выставы рыжскай мастачкі, члена Аб'яднання беларускіх мастакоў Балтыі «Маю гонар» Ірыны Ятнавай. Карціны будуць экспанавацца ўвесь летні перыяд.

У суботу, 28 мая, у 14:00, у канцэртнай зале Дома Адзінства (вул. Рыгас, 22А) адбудзецца юбілейны канцэрт ансамбля беларускай народнай песні “Купалінка – 30”. У праграме – выступленне творчых калектываў ЦБК: “Лянок”, “Паўлінка”, “Спадчына”, “Пралескі”, дзіцячай студыі “Скарбніца”, а таксама гасцей з Цэнтра рускай культуры, Цэнтра польскай культуры, Цэнтра ўкраінскай культуры.

У Даўгаўпілскім Цэнтры беларускай культуры (ЦБК) 24 мая 2022 года ў рамках Дзён беларускай культуры адбылася чарговая творчая вечарына паэта Яўгена Голубева.

У сераду, 25 мая, у 17:00, у Цэнтры беларускай культуры (вул. Алеяс, 68) упершыню ў Даўгаўпілсе адкрыецца персанальная выстава карцін рыжскай мастачкі, члена “Аб'яднання мастакоў-беларусаў Балтыі “Маю гонар” Ірыны Ятнавай. На экспазіцыі “У свеце кветак” будзе прадстаўлена каля трыццаці карцін з выявай знаёмых і дзіўных кветак.

21 мая 2022 года фотавыставай “Беларусь: цудоўныя імгненні” адкрыліся Дні беларускай культуры ў Даўгаўпілсе, якія традыцыйна ў маі арганізуе Цэнтр беларускай культуры Даўгаўпілскага гарадскога самакіравання. Экспазіцыя прадстаўлена Нацыянальнай бібліятэкай Беларусі і будзе адкрыта ўсё лета.

У аўторак, 24 мая, у 17:00, у Цэнтры беларускай культуры (вул. Алеяс, 68) зноў расчыніць дзверы Літаратурная гасцёўня. У праграме творчага вечара паэта, члена Саюза пісьменнікаў Расіі Яўгена Голубева “Дарогу адолее ідучы” – вершы для дарослых і дзяцей, прэзентацыя новага юбілейнага зборніка, музычныя нумары.

У панядзелак, 23 мая, у 17:00, у Цэнтры беларускай культуры (вул. Алеяс, 68) пройдзе заключнае мерапрыемства даследчай акцыі “Артэфакты маёй сям'і”. Тэма даследавання – сакральныя рэчы як сувязная нітка беларусаў Даўгаўпілса з этнічнай радзімай. 

У суботу, 21 мая 2022 года, у 14:00, у Цэнтры беларускай культуры (вул. Алеяс, 68) у Літаратурнай гасцёўні пройдзе юбілейны творчы вечар “Зямны паклон” паэта, члена Саюза пісьменнікаў Беларусі Станіслава Валодзькі. У праграме вечарыны – прэзентацыя новых зборнікаў вершаў, песні на словы С. Валодзькі ў выкананні творчых калектываў ЦБК, а таксама гасцей з Даўгаўпілса, Ліван і Вісагінаса.

У суботу, 21 мая 2022 года, у 13:30, у Цэнтры беларускай культуры (вул. Алеяс, 68) адбудзецца адкрыццё перасовачнай выставы “Беларусь: цудоўныя імгненні” з фондаў Нацыянальнай Бібліятэкі Беларусі (Мінск), на якой прадстаўлены маляўнічыя фатаграфіі з выявай аб'ектаў сакральнай архітэктуры, дзіўнай прыгажосці ландшафтаў, прыродных сімвалаў Беларусі – бусла і зубра, будучыні краіны – дзетвары.