У пятніцу, 14 лістапада 2025 года, у 18:00, у Цэнтры беларускай культуры Дома адзінства (вул. Алеяс 68-1А, Даўгаўпілс) прагучыць святочны канцэрт “Прысвячэнне Латвіі”.
У канцэртнай праграме прагучаць лірычныя і патрыятычныя песні на латышскай і беларускай мовах, якія падрыхтавалі творчыя калектывы Цэнтра беларускай культуры: ансамбль беларускай народнай песні “Купалінка”, танцавальны ансамбль “Лянок”, харавая капэла “Спадчына”, вакальны ансамбль “Пралескі” і дзіцячая студыя “Скарбніца”. Таксама ў гледачоў будзе магчымасць прыняць удзел у творчым майстар-класе па вырабе брошкі са стужачак у колерах латвійскага флага.
Уваход вольны.
Арганізатары мерапрыемства ўказваюць: “Лістапад у Латвіі – асаблівы месяц, напоўнены пачуццём прыналежнасці і павагай да гісторыі краіны. Штогод у гонар Дня абвяшчэння незалежнасці Латвійскай Рэспублікі Цэнтр беларускай культуры запрашае даўгаўпілчан на канцэрт, каб разам павіншаваць краіну з дзяржаўным святам”.
Мерапрыемства арганізуе Цэнтр беларускай культуры Дома адзінства Даўгаўпілскага дзяржаўнага гарадскога самакіравання.
Інфармуем, што падчас мерапрыемства будзе праводзіцца відэа і фотаздымка ў публіцыстычных і гістарычных мэтах.
Інфармацыя падрыхтавана:
Марыя Памецька,
метадыст Цэнтра беларускай культуры
т.: +371 65424695, 29811969
эл. пошта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.