«Цэнтр беларускай культуры» - бюджэтная ўстанова Даўгаўпілскага гарадскога самакіравання.

25 сакавіка 1999 года дэпутаты Даўгаўпілскай гарадской думы прынялі рашэнне стварыць новую бюджэтную ўстанову – Цэнтр беларускай культуры. У красавіку былі атрыманы неабходныя дакументы ўстановы, а ў ліпені 1999 года прайшло ўрачыстае адкрыццё памяшканняў па адрасу: г.Даўгаўпілс, вул. Райня, 31. З 2010 года офіс Цэнтра беларускай культуры знаходзіцца ў Палацы культуры.

Дзейнасць ЦБК рэгламентуе «Палажэнне Цэнтра беларускай культуры». Галоўная мэта дзейнасці ЦБК – захоўванне і развіццё беларускай нацыянальнай культуры і традыцый.

ЦБК існуе на датацыйныя сродкі бюджэта Даўгаўпілскай гарадской думы, на якія аплачваюцца: утрыманне офіса, зарплаты штатных супрацоўнікаў (кіраўніка ЦБК, метадыста, арганізатара культурных мерапрыемстваў, канцэртмайстры, кіраўнікоў творчых калектываў), аргтэхніка, мэбля, сцэнічныя касцюмы, музычныя інструменты, інвентар і інш., паездкі на фестывалі, арганізацыя канцэртаў і розных мерапрыемстваў і інш..

Галоўныя напрамкі дзейнасці ЦБК:

  • дзейнасць творчых калектываў;
  • канцэрты ў Даўгаўпілсе і іншых гарадах Латвіі;
  • удзел у фестывалях у Даўгаўпілсе і іншых гарадах Латвіі;
  • канцэрты і удзел у фестывалях у Беларусі і за мяжой;
  • беларускія абрадавыя святы;
  • народная беларуская бібліятэка;
  • літаратурныя вечары;
  • сустрэчы з паэтамі і пісьменнікамі;
  • розныя выставы;
  • адукацыйна-гульнявая праграма для дзіцячых садоў «Нашы суседзі – беларусы»;
  • экскурсійная праграма для школьнікаў «Беларускі дом»;
  • супрацоўніцтва з беларускімі таварыствамі Латвіі, Літвы, Эстоніі;
  • супрацоўніцтва з цэнтрамі іншых нацыянальных культур;
  • супрацоўніцтва са сродкамі масавай інфармацыі і інш..

Пры ЦБК дзейнічаюць шэсць творчых калектываў:

  • ансамбль беларускай народнай песні “Купалінка” (з 1992 года, кіраўнік Вячаслаў Пятроў)
  • танцавальны калектыў “Лянок” (з 2000 года, кіраўнік Алег Захарнёў)
  • тэатральная студыя “Паўлінка” (з 2007 года , кіраўніца Галіна Сантоцкая)
  • вакальна-інструментальны ансамбль “Пралескі” (з 2014 года, кіраўніца Настасся Малышава)
  • ансамбль акардэаністаў “Квітнеючы май” (з 2005 года, кіраўніца Антаніна Сівакова)
  • вакальны ансамбль сеньёраў “Спадчына” (з 2013 года, кіраўніца Яна Юзефовіч).

У творчых калектывах прымаюць актыўны ўдзел члены беларускага культурна-асветніцкага таварыства “Уздым”, жыхары горада Даўгаўпілса і Даўгаўпілскага краю.

Галоўныя партнёры ЦБК – Упраўленне культуры Даўгаўпілскай гарадской думы, Генеральнае консульства Рэспублікі Беларусь у Даўгаўпілсе, Даўгаўпілскае беларускае культурна-асветніцкае таварыства «Уздым», культурна-асветніцкія таварыствы Латгаліі.

Цэнтр беларускай культуры ў Даўгаўпілсе – адзіны ў Латвіі Беларускі дом. Гэта унікальны астравок, дзе гучыць беларуская мова, дзе створаны ўсе ўмовы для развіцця творчых талентаў беларусаў, праяўлення іх нацыянальнай самаідэнтычнасці, захавання роднай мовы і традыцый, папулярызацыі беларускай культуры ў грамадстве. Дзейнасць Цэнтра беларускай культуры спрыяе пазітыўнаму міжкультурнаму дыялогу і працэсу інтэграцыі ў разнастайным культурным жыцці шматнацыянальнага Даўгаўпілса.

Кіраўніца Цэнтра беларускай культуры – Жана Раманоўская, педагог, журналіст, прафесійны магістр упраўлення і прадпрымальніцкай дзейнасці.

 

Рэквізіты ЦБК:

„Цэнтр беларускай культуры”

Даўгаўпілскай гарадской думы

Reg.Nr. 90000647330

вул. Алеяс, г.Даўгаўпілс, Латвія,  LV 5401

t/fax + 371 65424695,

э-майл: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

A/S Citadele Banka,

konts LV31PARX0000850062815

 

Daugavpils pilsētas domes Baltkrievu kultūras centra privātuma politika.

Цэнтр беларускай культуры

купіць драўляны вясковы куфар

т. +371 20374840, cbk@inbox.lv

sunduk

Бліжэйшыя мерапрыемствы

<<  Студзень 2019  >>
 Пн  Ат  Ср  Чц  Пт  Сб  Нд 
   1  2  3  4  5  6
  7  8  910111213
14151617181920
21222324252627
28293031   

Партнеры

kultura.daugavpils.lv

http://latvia.mfa.gov.by/ru/daugavpils/

uzdim.lv

http://www.kultura.by/page/respublikanski-tsentr-natsyyanalnykh-kultur

http://www.belorus.lv

 

http://braslav.vitebsk-region.gov.by/ru/culture/

http://miory.vitebsk-region.gov.by/ru/culture/

http://smorgon.gov.by/ru/social/culture

http://polotsk.vitebsk-region.gov.by/index.php/ru/

http://zelva.grodno-region.by/ru/social/culture

http://glubokoe.vitebsk-region.gov.by/ru/kult-glubokoe/

 


http://www.knab.gov.lv