Ансамбль акардэаністаў «Квітнеючы май» датай свайго заснавання лічыць 2004 год, калі група энтузіястаў-музыкантаў аб'ядналася ў групу па інтарэсам, якая стала займацца пры Цэнтры беларускай культуры.

У рэпертуары ансамбля – класічная, папулярная, эстрадная і народная музыка.

Ансамбль акардэаністаў «Квітнеючы май» - удзельнік Міждароднага фестывалю народнай культуры “Беларускі кірмаш у Даўгаўпілсе” (2014, 2015 г.), XV Міжнароднага фестывалю мастацтваў у Віцебску (Беларусь, 2006 г.), Музычнага фестывалю ў Каўнасе (Літва), Песеннага фестывалю ў Ліванах (Латвія), а таксама удзельнік канцэртаў Свята Даўгаўпілса, Дзён беларускай культуры ў Даўгаўпілсе і інш.

У красавіку 2015 года юбілей ансамбля «Квітнеючы май» быў адсвяткаваны яркім канцэртам у вялікай зале Палаца культуры, які прайшоў з аншлагам. Дзейнасць творчага калектыву пад кіраўніцтвам Генрыха Дэрука была ўдастоена ганаровай граматы Даўгаўпілскай гарадской думы.

Састаў ансамбля – 8 музыкантаў-акардэяністаў рознага ўзросту і ўзроўню музычнай адукацыі.

Кіраўніца аматарскага ансамбля акардэаністаў «Квітнеючы май» - педагог, музыкант, заслужаная настаўніца Даўгаўпілса Антаніна Сівакова.