10 студзеня 2020 года ў Даўгаўпілскім Цэнтры беларускай культуры (ЦБК) адсвяткавалі “Калядныя вячоркі”, якія сталі ўжо традыцыйнымі і ў аснове якіх быў паказаны спектакль “У Калядны вечар” тэатральнай студыі “Паўлінка”.

 “Святкуем Калядкі -
Лавіце зярняткі!
Лавіце рукой,
Каб добры быў настрой!”

З такімі словамі ва ўтульным Беларускім доме ў студзеньскі вечар пятніцы Гаспадыня (у яе ролі была Яўгенія Гуляева) шчодра пасыпала дом зярняткамі з пажаданнямі ўсім прысутным здароўя, дабрабыту і росквіту. Яна ж распавяла шмат цікавага пра традыцыі святкавання Каляд у Беларусі, падзялілася ўспамінамі са свайго дзяцінства.

У народзе з адным з найважнейшых хрысціянскіх святаў – Калядамі, звязана вялікая колькасць традыцый і абрадаў. У беларусаў існавала вялікая колькасць замоў, рытуальных дзеянняў, варожбаў, якія сыходзяць каранямі глыбока ў далёкае мінулае.

Калядоўшчыкі або, як іх яшчэ называлі ў некаторых рэгіёнах Беларусі – валачобнікі, выконвалі абрадавыя і вясёлыя песні, радавалі Гаспадыню і гасцей свята. Дзяўчаты з вакальна-інструментальнага ансамбля “Пралескі” (мастацкі кіраўнік Настасся Лукашонак) спявалі пра каляровыя Калядкі і пра каханне, пра якое марыць кожная дзяўчына, калі варожыць у святочны вечар на свайго нарачонага.

Адпаведна традыцыі, усім прысутным гэтага вечара калядоўшчыкі прапанавалі паваражыць на гэты год і згадаць, што ён кожнаму прынясе, чым парадуе. Госці з задавальненнем прынялі ўдзел у традыцыйнай забаве і з задавальненнем расказалі, як у іх часы адзначалі Каляды, падзяліліся сваімі ўспамінамі з дзяцінства.

А кульмінацыяй вячорак стаў спектакль па п'есе Валянціны Казлоўскай “У Калядны вечар” у выкананні тэатральнай студыі “Паўлінка” (мастацкі кіраўнік Інэса Казлоўская). Займальны сюжэт, бліскучы гумар, таленавітая гульня акцёраў-аматараў нікога не пакінулі абыякавым. Так у добрых успамінах і цёплых усмешках хутка праляцеў час!

А так як па традыцыі ў гэтыя студзеньскія святочныя вечары ўсім трэба было збірацца разам, каб потым на працягу ўсяго года быць побач і падтрымліваць адзін аднаго, то ўсё развітваліся са светлай надзеяй, што так яно і будзе!


Інфармацыя падрыхтавана:
Цэнтр беларускай культуры,
Інэса Казлоўская, кіраўніца тэатральнай студыі “Паўлінка”

Бліжэйшыя мерапрыемствы

<<  Люты 2020  >>
 Пн  Ат  Ср  Чц  Пт  Сб  Нд 
       1  2
  3  4  5  6  7  8  9
10111213141516
17181920212223
242526272829 

Партнеры

kultura.daugavpils.lv

http://latvia.mfa.gov.by/ru/daugavpils/

uzdim.lv

http://www.kultura.by/page/respublikanski-tsentr-natsyyanalnykh-kultur

http://www.belorus.lv

 

http://braslav.vitebsk-region.gov.by/ru/culture/

http://miory.vitebsk-region.gov.by/ru/culture/

http://smorgon.gov.by/ru/social/culture

http://polotsk.vitebsk-region.gov.by/index.php/ru/

http://zelva.grodno-region.by/ru/social/culture

http://glubokoe.vitebsk-region.gov.by/ru/kult-glubokoe/

 


http://www.knab.gov.lv