23 лістапада 2018 года ў Даўгаўпілскім Цэнтры беларускай культуры (ЦБК) хлебам-соллю сустракалі новага пасла Рэспублікі Беларусь у Латвійскай Рэспубліцы Васіля Марковіча, які з двухдзённым рабочым візітам наведаў Латгалію. У Даўгаўпілсе дыпламат пабываў у Беларускім доме і вітаў удзельнікаў і гасцей фестывалю «Беларускі кірмаш у Даўгаўпілсе".



Васіль Міхайлавіч Марковіч працаваў Генеральным консулам РБ у Даўгаўпілсе ў 1998-2002 гады і ў свой час удзельнічаў у адкрыцці Цэнтра беларускай культуры. Таму сустрэча ў Беларускім доме прайшла ў цёплай, сяброўскай, хатняй атмасферы.

Пасла Беларусі сустрэлі хлебам-соллю, каравай спецыяльна спяклі да такой знамянальнай падзеі і па беларускай традыцыі ў ручніку перадалі ў дар высокаму госцю (вузельчык у дарогу). Васіль Міхайлавіч з цікавасцю агледзеў эспазіцыі ЦБК, музейны пакой, бібліятэку. Як адзначыў В.Марковіч, ён ўражаны ўбачаным, наколькі ЦБК развіўся за мінулыя гады: «У вас шыкоўны Беларускі дом і бібліятэка!»

А затым за кубкам гарбаты адбылася душэўная, і разам з тым дзелавая размова з супрацоўнікамі ЦБК і актывістамі беларускага таварыства «Уздым», многіх з якіх Васіль Марковіч ведае і памятае.

Kіраўніца ЦБК і таварыства «Уздым» Жанна Раманоўская падзякавала за дапамогу і падтрымку беларускай дыяспары Беларусь у асобе Генеральнага консульства РБ у Даўгаўпілсе і Пасольства РБ у Латвіі, а таксама агучыла асноўныя выклікі і планы.

А вечарам В.Марковіч з жонкай наведалі міжнародны фестываль «Беларускі кірмаш у Даўгаўпілсе». Беларускі дыпламат з цікавасцю агледзеў выстаўку рамеснікаў, прадэгуставаў зімовыя нарыхтоўкі гаспадынь «Уздыма», пазнаёміўся з партнёрамі ЦБК. На гала-канцэрце ў вітальнай прамове пасол Беларусі адзначыў важную ролю дыяспары ў захаванні сваёй культуры ў Латвіі і ўручыў падзячную грамату Міністэрства замежных спраў РБ Беларускаму культурна-асветніцкаму таварыству «Уздым».
 
Інфармацыя падрыхтавана:
Цэнтр беларускай культуры

Цэнтр беларускай культуры

купіць драўляны вясковы куфар

т. +371 20374840, cbk@inbox.lv

sunduk

Бліжэйшыя мерапрыемствы

<<  Красавік 2019  >>
 Пн  Ат  Ср  Чц  Пт  Сб  Нд 
  1  2  3  4  5  6  7
  8  91011121314
15161718192021
22232425262728
2930     

Партнеры

kultura.daugavpils.lv

http://latvia.mfa.gov.by/ru/daugavpils/

uzdim.lv

http://www.kultura.by/page/respublikanski-tsentr-natsyyanalnykh-kultur

http://www.belorus.lv

 

http://braslav.vitebsk-region.gov.by/ru/culture/

http://miory.vitebsk-region.gov.by/ru/culture/

http://smorgon.gov.by/ru/social/culture

http://polotsk.vitebsk-region.gov.by/index.php/ru/

http://zelva.grodno-region.by/ru/social/culture

http://glubokoe.vitebsk-region.gov.by/ru/kult-glubokoe/

 


http://www.knab.gov.lv