24 лістапада 2018 года ў рамках VIII Міжнароднага фестывалю народнай культуры «Беларускі кірмаш у Даўгаўпілсе» у Даўгаўпілскім Цэнтры беларускай культуры (ЦБК) адкрылася персанальная мастацкая выстава карцін «Мой родны кут...» Галіны Жэлабоўскай – прафесійнага мастака, члена Аб'яднання беларускіх мастакоў «Маю гонар», Асацыяцыі свабодных мастакоў Латгаліі і таварыства творчай інтэлігенцыі Даўгаўпілса «Дзіна-Арт».

Галіна Жэлабоўская нарадзілася ў Браслаўскім раёне Віцебскай вобласці (Беларусь). У 1982 году закончыла мастацка-графічны факультэт Віцебскага педагагічнага інстытута. Шмат гадоў жыве ў Даўгаўпілсе, працуе настаўнікам візуальнага мастацтва ў 16-ай сярэдняй школе, уваходзіць у склад грамадскіх арганізацый мастакоў і беларускага культурна-асветніцкага таварыства «Уздым». Дзіўныя па майстэрству і прыгажосці карціны Г.Жэлабоўскай неаднаразова выстаўляліся ў Латвіі, Літве, Беларусі і, вядома ж, у Беларускім доме.

У кожнага з нас ёсць свой родны куток, дзе мы нарадзіліся, зрабілі першыя крокі, вылецелі з роднага гнязда ў вялікі свет. І хай ва ўсіх гэта розныя месцы, але іх аб'ядноўвае родная мова, культура, традыцыі, чароўная прырода і, вядома ж, людзі – шчырыя, душэўныя, гасцінныя і хлебасольныя беларусы. Гэтая думка чырвонай ніткай прайшла як і ў эмацыйнай прамове самой мастачкі, так і астатніх выступленнях гасцей. Родная сэрцу Браслаўшчына адлюстраваная на шматлікіх карцінах Галіны Жэлабоўскай. Але і кожны з гасцей знайшоў у іх падабенства са сваімі дарагімі сэрцу месцамі.

«Выстава не выпадкова носіць назву «Мой родны кут...». Гэты год у Беларусі абвешчаны годам малой радзімы. І ўсе мастацкія выставы, якія праводзіліся ў ЦБК, былі звязаны з гэтай тэмай. А карціны таленавітага майстра як нельга лепш адпавядаюць дадзенай тэме і знаходзяць водгук у душы кожнага», - адзначыла ва ўступным слове кіраўніца ЦБК Жанна Раманоўская.

На адкрыцці выставы прысутнічалі і ганаровыя замежныя госці, якія прыехалі на «Беларускі кірмаш у Даўгаўпілсе": дэлегацыі са Светлагорска (Расія), Таліна (Эстонія), Вісагінаса (Літва), Дуброўны (Беларусь), якія вельмі высока ацанілі майстэрства пэндзаля мастака, цеплыню і шчырасць праведзенага мерапрыемства. А ў выніку зносін змаглі дамовіцца з партнёрамі з Расіі аб правядзенні выставы ў Калінінградскай вобласці.

Выдатныя музычныя падарункі для мастачкі і ўсіх гасцей паднеслі вакальна-інструментальны ансамбль "Пралескі", ансамбль беларускай народнай песні "Купалінка"; бард Віталь Міхайлоўскі, які выканаў пад гітару лірычныя песні, так адпаведныя настрою прысутных. А наш даўні сябар і партнёр з Літвы Сяргей Шабадалаў таксама сольна праспяваў прыгожую песню для галоўнай гераіні вечара і ўсіх гасцей пад іх шчодрыя апладысменты.

У якасці звязкаў паміж песнямі гучалі запамінальныя маналогі і вершы ў выкананні Галіны Сантоцкой, Марыі Памецька; а член Саюза пісьменнікаў Беларусі, паэт Станіслаў Валодзька прысвяціў верш роднай для мастачкі Браслаўшчыне.

Тэма малой радзімы, мілых сэрцу вобразаў і родных месцаў нікога не пакінула абыякавым, усіх закранула за жывое. Менавіта таму пасля ўрачыстага адкрыцця выставы гледачы яшчэ доўга не разыходзіліся, любаваліся карцінамі, мелі зносіны з мастачкай, абменьваліся думкамі і ўражаннямі.

«Вобразы мілыя роднага краю,
Смутак і радасць мая!
Што маё сэрца да вас парывае?
Чым так прыкованы я…», -

гэтыя вядомыя радкі беларускага класіка Якуба Коласа як нельга лепш адпавядаюць прадстаўленым на выставе 25-ці карцінам Г.Жэлабоўскай і той непадроблена шчырай і душэўнай атмасферы мерапрыемства.

Выстава «Мой родны кут...» будзе адкрыта для ўсіх жадаючых да 24 студзеня 2019 года (з 9.00 да 17.00) па адрасе: Даўгаўпілс, вул.Алеяс, 68-1А. Уваход бясплатны.

Арганізатар: Цэнтр беларускай культуры

Інфармацыя падрыхтавана:
Цэнтр беларускай культуры,
Марыя Памецька, метадыст ЦБК,
т. 654 24695, 29811969, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
г.Даўгаўпілс, вул.Алеяс, 68-1A

Цэнтр беларускай культуры

купіць драўляны вясковы куфар

т. +371 20374840, cbk@inbox.lv

sunduk

Бліжэйшыя мерапрыемствы

<<  Студзень 2019  >>
 Пн  Ат  Ср  Чц  Пт  Сб  Нд 
   1  2  3  4  5  6
  7  8  910111213
14151617181920
21222324252627
28293031   

Партнеры

kultura.daugavpils.lv

http://latvia.mfa.gov.by/ru/daugavpils/

uzdim.lv

http://www.kultura.by/page/respublikanski-tsentr-natsyyanalnykh-kultur

http://www.belorus.lv

 

http://braslav.vitebsk-region.gov.by/ru/culture/

http://miory.vitebsk-region.gov.by/ru/culture/

http://smorgon.gov.by/ru/social/culture

http://polotsk.vitebsk-region.gov.by/index.php/ru/

http://zelva.grodno-region.by/ru/social/culture

http://glubokoe.vitebsk-region.gov.by/ru/kult-glubokoe/

 


http://www.knab.gov.lv