17 лістапада 2018 года ў сталіцы Эстоніі - г.Таліне, прайшоў музычна-паэтычны вечар, прысвечаны стагоддзю беларускага паэта Паўла Пранузы «Куточак родны любай Беларусi...», у якім прыняў удзел вакальна-інструментальны ансамбль "Пралескі" Даўгаўпілскага Цэнтра беларускай культуры (ЦБК). Сваёй музычнай праграмай яны не толькі ўпрыгожылі гэтае мерапрыемства, але таксама і далучылі жыхароў Таліна да беларускай песні.

Цэнтр нацыянальных меншасцяў «Радзiма» (Талін) пад кіраўніцтвам старшыні праўлення Кэтлін Пукка і члена праўлення Ніны Пээрна кожны год арганізоўвае вечар, прысвечаны асобнаму беларускаму паэту або пісьменніку з мэтай азнаёміць гледачоў з беларускай літаратурай і культурай у цэлым. Таксама ў рамках гэтага мерапрыемства праходзіць міжнародны конкурс дзіцячых малюнкаў. У гэтым годзе мерапрыемства было прысвечана жыццю і творчасці беларускага паэта XX стагоддзя, члена Саюза пісьменнікаў Беларусі Паўлу Пранузе. У яго 20-ці паэтычных зборніках сабраны вершы на тэму радзімы, кахання, вайны; большую частку яго творчасці займае дзіцячая паэзія.

Менавіта таму дзеці з беларускай нядзельнай школы «Буслiкi» (Талін) і госці з Мінска былі галоўнымі героямі сустрэчы. У іх выкананні прагучалі вершы паэта: «Мамiны рукi», «Я вясну малюю», «Родная мова» і многія іншыя. Чысціня і шчырасць гэтых вершаў кранулі гледачоў да глыбіні душы.

Галоўным музычным госцем гэтага вечара стаў ансамбль ЦБК «Пралескі» з горада Даўгаўпілса. Беларускія народныя песні, а таксама аўтарскія песні на беларускай і латышскай мовах у выкананні «Пралесак» не толькі стварылі святочную і вясёлую атмасферу вечара, а таксама прадэманстравалі высокі ўзровень выканаўчага майстэрства. Для саміх удзельнікаў калектыву шчырым здзіўленнем стаў цёплы і сардэчны прыём эстонскай публікі. У канцы вечара Пасол Рэспублікі Беларусь у Эстоніі – Качанаў Вячаслаў Георгіевіч, падзякаваў ансамблю "Пралескі" за ўдзел у гэтым мерапрыемстве і ўручыў падзячныя грамату Пасольства Рэспублікі Беларусь у Эстоніі.

У канцы творчага вечара прайшло ўзнагароджанне канкурсантаў міжнароднага конкурсу малюнкаў «Куточак родны любай Беларусi...». Выстава конкурсных дзіцячых малюнкаў па матывах вершаў П.Пранузы паказала талент, багатую фантазію дзяцей і тое, як ім блізкія і зразумелыя цудоўныя вершы беларускага паэта. За перамогу і ўдзел у гэта конкурсе таксама былі ўзнагароджаны дзеці нядзельнай школы Даўгаўпілскага беларускага культурна-асветніцкага таварыства "Уздым".

Культурны мост паміж ЦБК г.Даўгаўпілса і Цэнтрам нацыянальных меншасцяў «Радзiма» г.Таліна наладжаны некалькі гадоў таму і змацаваны Пагадненнем аб супрацоўніцтве.

А супрацоўніцтва абавязкова працягнецца. Нашы эстонскія сябры і партнёры – пастаянныя госці фестывалю «Беларускі кірмаш ў Даўгаўпілсе", і ў гэтым годзе эстонская дэлегацыя была жаданым госцем культурнага форуму.

Інфармацыя падрыхтавана:
Цэнтр беларускай культуры,
Настасся Лукашонака, кіраўніца ансамбля «Пралескі»
т. 27003382, Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
г.Даўгаўпілс, вул.Алеяс, 68-1A

Цэнтр беларускай культуры

купіць драўляны вясковы куфар

т. +371 20374840, cbk@inbox.lv

sunduk

Бліжэйшыя мерапрыемствы

<<  Сакавік 2019  >>
 Пн  Ат  Ср  Чц  Пт  Сб  Нд 
      1  2  3
  4  5  6  7  8  910
11121314151617
18192021222324
25262728293031

Партнеры

kultura.daugavpils.lv

http://latvia.mfa.gov.by/ru/daugavpils/

uzdim.lv

http://www.kultura.by/page/respublikanski-tsentr-natsyyanalnykh-kultur

http://www.belorus.lv

 

http://braslav.vitebsk-region.gov.by/ru/culture/

http://miory.vitebsk-region.gov.by/ru/culture/

http://smorgon.gov.by/ru/social/culture

http://polotsk.vitebsk-region.gov.by/index.php/ru/

http://zelva.grodno-region.by/ru/social/culture

http://glubokoe.vitebsk-region.gov.by/ru/kult-glubokoe/

 


http://www.knab.gov.lv